Düyməli “ağıllı” telefon təqdim olunub

[ 08 Oktyabr, 2018  10:15 ]

Çinin “Xiaomi” şirkəti “Qin AI Phone” adlı düyməli “ağıllı” telefonunu təqdim edib. Qurğu səsli əmrlərlə idarəetmə ilə yanaşı, həm də sinxron tərcüməçi funksiyasını yerinə yetirən “Xiao” adlı süni intellekt sistemi ilə təchiz edilib.

ferra.ru saytının məlumatına görə, ötən ay “Xiaomi” şirkəti sözügedən telefon üçün öz kraudfandinq (layihənin reallaşdırılması məqsədilə geniş kütlələrdən maliyyə cəlb olunması mexanizmi) platformasında vəsait toplayıb və indi telefon satışa çıxarılıb.

Telefon 240x320 piksel təsvir ölçülü IPS displey və “Corning Gorilla” qoruyucu şüşəsi ilə təchiz edilib. Qurğunu məişət texnikası üçün infraqırmızı pult kimi istifadə etmək olar. Həmçinin “4G” və “Wi-Fi” dəstəklənir, stereo səs, internet-radio mövcuddur və “bulud” saxlanc sistemində faylların ehtiyat surəti yaradılır. Qiyməti 54 dollar təşkil edən telefon boz, ağ, qırmızı və sarı rənglərdə təklif olunur.

Kovörkinq Mərkəzimizin Üzvləri

Bizə qoşulun 23

Murad Məmmədov

Hands.az

Etibar Hüseynli

QSS Analytics

Röyal Ağamirzadə

Absolute Azerbaijan İƏT - İcma Əsaslı Turizm

Sara Rəcəbli

BUTA Art & Sweets

Mahir Qafarov

Darts Games

Rüstəm Pənahov

Darts Games

Yeganə Zeynalova

Esmaye Handmade

Arzu Ağazamanova

WoWoman

Daha çox >