“Ağıllı” eynək insanın baxdığı nöqtəyə avtomatik fokuslanacaq

[ 28 Avqust, 2018  11:23 ]

ABŞ-ın Stenford Universitetinin mütəxəssisləri insanın baxdığı nöqtəyə avtomatik fokuslanan “ağıllı” eynək hazırlayıblar.

naukatv.ru saytının məlumatında bildirilir ki, yeni texnologiya presbiopiya xəstəliyi – gözün refraksiya anomaliyası (Bu zaman insan yaxın məsafədən kiçik şriftləri və xırda əşyaları görə bilmir) ilə mübarizə üçün yaradılıb. Ənənəvi presbiopiya korreksiya formaları görmənin təbii oriyentasiyasını təmin edə bilmir, yalnız insana baxmağa imkan verən görmə diapazonunu genişləndirir.

“Autofocals” adlanan presbiopiya korreksiya texnologiyası baxılacaq əşyaya avtomatik fokuslanmağa imkan verir. Eynək linzanın fokuslanma məsafəsini dəyişərək istifadəçinin baxış istiqamətinə yönəlir. Optikaya dəyişən fokuslama məsafəsinə və güc təzyiqi nəticəsində formasını dəyişərək linzanı əyməklə fokuslama məsafəsini dəyişən mayeyə malik xüsusi linzalar quraşdırılıb. Kameralar sistemi gözün vəziyyətini izləyir, hərəkət sensorları baxış istiqamətini qeydə alır, xüsusi alqoritm isə fokuslama nöqtələrinin koordinatlarını aşkarlayır və linzanın fokuslama məsafəsini dəyişməklə lazımi obyektə baxmağa imkan verir.

Mütəxəssislərin sözlərinə görə, hazırda görmə korreksiyası problemi üçün ideal kommersiya həlli mövcud olmasa da, “Autofocals” texnologiyası bu istiqamətdə mühüm addım ola bilər.

Kovörkinq Mərkəzimizin Üzvləri

Bizə qoşulun 31

Nadir Hümbətəliyev

CoinsPack

Camal Ağayev

Kubirub

Azay Abbasov

Partret

Səttar Hümmətli

KhazarApps

Racu Zəkəryaev

BNB.az

Amid Həsənquliyev

Biz Birik

Elşad Yusifli

Keepmycoin

Vüqar Salehov

Work seven

Daha çox >