İnsanın düşündüyü vizual obrazları tanıyan skaner hazırlanıb

[ 06 Mart, 2018  13:10 ]

Kanadanın Toronto Universitetinin alimləri beyinin konkret obyektlərin zehni emalı ilə bağlı fəallığını yüksək dəqiqliklə tanıyan sistem hazırlayıblar. Texnologiya elektroensefaloqrafiya əsasında işləyən klassik beyin fəallığı skanerinə əsaslanır, çünki onun beyinin fəaliyyətində baş verən dəyişikliklərə reaksiyasının sürəti millisaniyələrlə ölçülür. Bu, məhz real obyektin obrazının yaddaşa yazılması ilə zehni izin formalaşdığı səviyyədir. O, fikir axınının arasında konkret izi ayırd edərək ona şərti şifrə təyin etməyə imkan verir.

techcult.ru saytının məlumatında bildirilir ki, sınaqlar zamanı könüllülərdən bir neçə müxtəlif insan sifətini yadda saxlamaq, sonra assistent bu insanların adlarını sadaladıqda onları xəyalən təsəvvür etmək xahiş edilib. Sistem sifətlərin yadda saxlanması mərhələsində zehni izləri oxuduqdan sonra könüllünün beyninin fəaliyyətini təhlil edib və uyğun gələnləri axtararaq bu haqda xəbər verib. Texniki cəhətdən, istənilən sayda obyektin təsəvvür edilməsi mümkündür.

Tədqiqatçıların sözlərinə görə, fiziki imkanları məhdud insan söz, ifadə və terminlərin obrazlarını öyrənərək şəxsi skaner əldə edərsə, maşın sözün əsl mənasında onun fikirlərini səsləndirəcək. Şahidin sözləri əsasında fotorobotun tərtib edilməsi əvəzinə kompüter cinayətkarın sifətini dindirilən şəxsin yaddaşında minlərlə fraqmentə bölərək tanıya və dərhal onun portretini çəkib qrafik redaktora daşıya biləcək.

Kovörkinq Mərkəzimizin Üzvləri

Bizə qoşulun 23

QSS Analytics

QSS Analytics

Röyal Ağamirzadə

Absolute Azerbaijan İƏT - İcma Əsaslı Turizm

Sara Rəcəbli

BUTA Art & Sweets

Mahir Qafarov

Darts Games

Rüstəm Pənahov

Darts Games

Yeganə Zeynalova

Esmaye Handmade

Arzu Ağazamanova

WoWoman

Taleh Məmmədov

Woody Group

Daha çox >