Yeni əl skaneri açıq yarada bakteriyaları görməyə imkan verir

[ 08 Yanvar, 2018  15:14 ]

Kanadanın Toronto şəhərində “MolecuLight i:X” adlı qurğunun kliniki sınaqlarının birinci mərhələsi başa çatıb. Qurğu adi gözlə görünməyən mikrobları göstərmək üçün nəzərdə tutulub. Belə ki, həkim infeksiyanın bədənin hansı hissəsində olduğunu dəqiq bilərsə, onu daha effektiv müalicə edər.

techcult.ru saytının məlumatına görə, “MolecuLight i:X” insanın bədənində bakteriyaların yerini müəyyən edən qeyri-invaziv əl skaneridir. Əvvəlcə normal işıqlandırma şəraitində yaranın yüksək keyfiyyətli şəkli çəkilir, sonra işıqlar söndürülür və ultrabənövşəyi şüadan istifadə etməklə, həmin şəkil bir daha çəkilir. Ultrabənövşəyi şüa altında sağlam dəri açıq yaşıl rənglə, bakteriyaların koloniyaları isə qırmızı rənglə işıqlanır. İki şəkli müqayisə etdikdə zərərli mikroorqanizmlərin yeri və ölçülərini yüksək dəqiqliklə müəyyən etmək olar. Beləliklə, sağlam toxumalara dəymədən lazımi dərmanları qəbul etmək mümkün olacaq.

Kliniki sınaqlar göstərib ki, həkim “MolecuLight i:X” skanerindən istifadə etməklə, pasiyentin yaralarının sağalmasını 9-10 dəfə sürətləndirə bilər. Çünki o, bakteriyaları görməklə yanaşı, bütovlükdə yaranın sağaldılması prosesini izləyir. Texnologiyanın yaxın zamanlarda Kanada xəstəxanalarında istifadə ediləcəyi gözlənilir.

Kovörkinq Mərkəzimizin Üzvləri

Bizə qoşulun 36

Fərhad Mikayılov

MixCart

Rəhimzadə Əhməd

MixCart

Mojqan Vəlizadə

Healthy Zone

Elvin İbra

ESSENARI

Erkin Ergin

ESSENARI

Rabiyət Heydərli

Healthy Zone

Nigar Rahmanova

Kercom

Xanım Quliyeva

Keepface

Daha çox >